Доктор Миодраг Лазиќ (64), директорот на Нишкиот клинички центар починал утринава од коронавирус, јавуваат српските медиуми.
Во сите сектори, одделенија и служби на Клиничкиот центар, утринава, точно во осум часот накратко биле прекинати сите активности. Сите доктори, медицински сестри, техничари, престанале со работа и со минута молчење му оддале почит на починатиот доктор Лазиќ.
Тој бил меѓу првите заразени лекари во Ниш и по 15-дневна грчевита борба ја изагубил битката со ковид-19.