Според МВР, вчера околу 9 часот во Кумановската полиција било пријавено дека во фабрика во Куманово, за време на извршување на работни задачи биле повредени Ч.С.(57) и Р.И.(27), и двајцата од Куманово.
Ч.С. од зaдобиените повреди починал, а смрт констатирала екипа од Итната медицинска помош Куманово.
Р.И. бил пренесен во Кумановската болница за укажување на лекарска помош.
Увид на местото на настанот извршила увидна екипа на СВР Куманово, а по наредба на Јавен обвинител телото на починатиот е предадено за обдукција.
ОД МВР не соопштуваат во која фабрика се случила несреќата.