На 13.07.2021 во 21.20 часот било пријавено дека на магистралниот пат Радовиш-Струмица, во близина на клучка за с.Воиславци, се случила сообраќајна незгода помеѓу товарно возило „волво“, со струмички регистарски ознаки, управувано од Г.В.(72) од Струмица и трактор ,,ИМТ 533“, без регистарски ознаки, управувано од А.Ф.(54) од с.Сулдурци, информира МВР.
Во незгодата возачот на тракторот се здобил со тешки телесни повреди, констатирани во Медицински центар Штип.
Извршен бил увид на местото на незгодата од увидна екипа од Полициската станица Радовиш.