Пред малку од дворот на фабриката Охис си заминаа припадниците на АРМ од единицата НХВО, а пред нив замина и камион кој што превезуваше метален контејнер за кој се уште не е познато што содржи.
Неофицијално во дворот на фабриката дошло до хемиска реакција помеѓу метилакрилат мономер и вода за време на чистењето на една од цистерните во која што бил складиран токсичната материја. Од локалните жители дознаваме дека ова е трет ден како во фабриката се врши чистење на истекнувањето на оваа хемиска материја, но јавноста и медиумите дури денес дознаа за хаваријата.
Обидот да се заташка хемиска хаварија, која што би можела да предизвика ризик по здравјето и животот на граѓаните на цело Скопје е во најмала рака неморално и монструозно. Во меѓувреме се обидовме да го контактираме и заменик министерот за животна средина, Јани Макрадули кој три пати ги одби нашите повици.
За хаваријата се уште нема официјален став од Владата и надлежното министертство за животна средина иако помеѓу граѓаните постои страв од потенцијалната еколошка катастрофа.
А.Митовски