January 21, 2022, 12:24 pm

Албанија нe плaниpa ykинyвaњe нa пoлициcкиoт чac

Поврзано

- Advertisement -
- Advertisement -

И покрај стабилната епидемиолошка состојба со Ковид-19, албанскиот Комитетот на експерти за справување со пандемијата, не размислува за укинување на мерката за ограничено движење.

Скендер Братај, член на комитетот и директор на Националниот ургентен центар во Тирана, коментирајќи го барањето на унијата на угостители за ослободување од анти-ковид мерките рече дека мерките ќе продолжат да се ослободуваат, но нема да бидат укинати целосно.

-Според одлуката на Комитетот полицискиот час од први јули се скратува за еден час, односно наместо во 23:00 ќе почнува на полноќ и ќе трае како и до сега до 6 часот. Во врска со барањето да се дозволи музика во угостителските објекти и по полноќ, а не како до сега до 22:00 часот, тоа не е поврзано само со опасниот вирус, туку со фактот дека локалите се во станбени области и музиката станува вознемирувачка за жителите во тие области, вели тој.

Додава дека од први јули ќе се дозволи одржување културни активности со присутност од 30 отсто од капацитетите.

Братај стравува дека мутацијата на делта коронавирусот можно е да се појави во Албанија, поради фактот што нема никакви ограничувања за влез во земјата за странците, но и поради најавата за масовно доаѓање на иселениците, кои, по традиција, летниот одмор го минуваат во родниот крај.

Инаку, според вчерашните податоци на министерството за здравство регистриран е само еден нов случај позитивен на Ковид-19, од направените 1.960 тестови, починати нема, активни на болеста се 87 лица а болнички се третираат само двајца пациенти.

Latest News

Десетте најзначајни настани во светот во 2021 година

10. Договорот за AUKUS На 15 септември, претседателот Џо Бајден, австралискиот премиер Скот Морисон и британскиот премиер Борис Џонсон заеднички...

More Articles Like This