January 28, 2022, 1:36 pm

Поради новиот сој на ковид-19 ЕУ целосно ги затвори границите за неколку aфрикански земји

Поврзано

- Advertisement -
- Advertisement -

Земјите од Европската унија денеска одлучија привремено да го прекинат патувањето во регионот на Јужна Африка по откривањето на новата варијанта на Ковид 19, соопшти словенечкото претседателство со Советот на ЕУ.
„Комитетот на здравствени експерти од сите 27 земји на ЕУ се согласи за потребата од активирање на итна сопирачка и воведување привремени ограничувања за сите патувања во ЕУ од Јужна Африка“, објави словенечкото претседателство на ЕУ на Твитер, пренесува Ројтерс.
Извор од ЕУ потврди дека ограничувањата ќе важат за Јужна Африка, Боцвана, Есватини, Лесото, Мозамбик, Намибија и Зимбабве, откако денеска во Белгија беше откриен првиот европски случај на нова варијанта на корона вирусот.
Претседателката на Европската комисија Урсула фон дер Лајен ја повика денеска ЕУ да реагира „брзо, одлучно и обединето“ кога станува збор за спречување на ширењето на загрижувачката јужноафриканска варијанта на вирусот, а европските граѓани да бидат вакцинирани и дополнително заштитени со засилувач.
„Европската комисија денеска им предложи на земјите-членки да ја активираат итна сопирачка за патување од јужноафриканските земји и другите засегнати земји со цел да се ограничи ширењето на новата варијанта. Сите авионски патувања во овие земји треба да бидат суспендирани додека не се разбере јасно за опасностите што ги носи оваа нова варијанта. „Патниците кои се враќаат од овој регион исто така треба да ги почитуваат строгите правила за карантин“, рече Фон дер Лајен во видео пораката.
Јужноафриканскиот министер за здравство Џо Фала изјави денеска дека прелиминарните студии сугерираат дека новата варијанта на ковида 19 откриена во оваа земја би можела да биде повеќе пренослива , но дека одлуката на другите земји да воведат ограничувања за патување е „неоправдана“.

Фала на прес-конференцијата рече дека Јужна Африка постапува транспарентно и дека забраните за патување се спротивни на нормите и стандардите на Светската здравствена организација (СЗО), пренесе Ројтерс.
Властите ширум светот денеска реагираа со тревога на новата варијанта на корона вирусот, првпат откриена во Јужна Африка.
Франција ги суспендира сите летови од јужниот дел на Африка на 48 часа, изјави францускиот министер за здравство, Оливие Веран.
Шпанија, исто така, ќе ги ограничи летовите од Јужна Африка и Боцвана, според министерката за здравство Каролина Даријас, поради загриженоста за многу заразната нова варијанта на ковида 19 што се појави таму.
„Ќе видиме за другите земји, но засега ги има тие две“, рече таа за државната ТВЕ.
Даријас не даде детали кога ќе стапат на сила ограничувањата, но седницата на Владата, на која би биле одобрени ваквите мерки, е закажана за следниот вторник.
„Ние, исто така, наскоро ќе усвоиме резолуција … дека од патниците од земјите со висок ризик се бара да обезбедат, покрај вакцинацијата, или тест за антиген или PCR“, додаде таа.
Јапонија од полноќ ќе ги зајакне граничните контроли за луѓето кои пристигнуваат од шест африкански земји.
Оние кои пристигнуваат од Јужна Африка, Есватини, Зимбабве, Намибија, Боцвана и Лесото ќе мора да поминат низ 10-дневен карантин во сместување одредено од владата, им рече на новинарите генералниот секретар Хироказу Мацуно.
Италија воведе забрана за влез за лица кои во последните 14 дена посетиле група јужноафрикански земји, вклучително и Јужноафриканската Република, поради ширење на нова варијанта на Ковид 19.
Чешката Република исто така забрани пристигнување од Јужноафриканската Република и другите африкански земји со цел да се спречи ширење на нова варијанта на корона вирусот, изјави чешкиот министер за надворешни работи Јакуб Кулханек, јави Танјуг.
Индија издаде совет до сите земји ригорозно да ги тестираат и прегледуваат патниците кои доаѓаат од Јужна Африка и другите земји со висок ризик поради новата варијанта на вирусот, означена како B.1.1.529.
Обединетото Кралство, Сингапур, Русија и Јапонија се меѓу оние земји кои воведуваат строги карантински мерки и забрануваат летови од Јужна Африка и нејзините соседни земји, а неколку часа откако Британија ги воведе овие ограничувања, СЗО предупреди дека земјите не донесуваат избрзани одлуки за забрана за патување.
Јужноафриканскиот институт за заразни болести NICD објави дека првите 22 случаи на инфекција со нова верзија на вирусот B.1.1.529 се откриени во Јужна Африка , а истата варијанта е потврдена во Боцвана и Хонг Конг.
Според првичните проценки, оваа верзија, која веќе има 32 мутации , може да се шири побрзо од претходните.
Светската здравствена организација вели дека сè уште проучува колку е опасна оваа варијанта на вирусот и дали треба да биде вклучена во листата на нови варијанти на корона вирусот што предизвикуваат загриженост.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This