January 17, 2022, 4:38 am

(Фото) Пpeтceдaтeлoт нa пoдмлaдoкoт нa СДММ Велес Шаќиров ce пoфaли дeкa co caмo 20 гoдини ce вpaбoтил вo ФЗOМ Вeлec

Поврзано

- Advertisement -
- Advertisement -

И во ек на економска и здравствена криза не запира трендот на полнење на јавната и државната администрација со партиска активисти.

Имено, деновиве се погласно се зборува за вработувањето на претседателот на подмладокот на Општинската организација на СДММ Велес, Љупче Шаќиров кој патем и самиот се пофали на својот Фејбуск профил во кој напиша дека започнал со работа во Фондот за здравствено осигурување во Велес.

Поговорката дека за некои државата е мајка, за некои маќеа има смисла со оглед на тоа дека Шаќиров има само 20 години и нема завршено високо образование, а веќе почнал да ја полни својата биографија со добро платени работни места.
Од друга страна пак, во истата институција за в.д директор е именуван Стево Крстевски кој пак е претседател на Општинската организација на СДСМ Велес.

Со ваквите вработувања повеќе од јасно е дека администрацијата стана дом за згрижување на партиските функционери на СДСМ, и покрај најавите од страна на премиерот дека администрацијата ќе се намалува се со цел да се намалат трошоците за непродуктивно трошење.

Јавноста и изминатиот период беше сведок на полнење на администрацијата од страна на СДСМ со партиски кадри, неквалификувани и неподобни за работните места, обврски и задачи на кои се назначуваат, а на тој начин наместо администрација во служба на граѓаните, се создава гласачка машинерија.

Но, во време кога се зголемува бројот на граѓани кои што ги губат своите работни места и се на работ на егзистенција, а државата е пред сериозен економски колапс се поставува прашањето дали има потреба од вакви вработувања и вдомувања на партиски војници на СДСМ, не само во подрачните единици, туку и во централните институции.

Latest News

Десетте најзначајни настани во светот во 2021 година

10. Договорот за AUKUS На 15 септември, претседателот Џо Бајден, австралискиот премиер Скот Морисон и британскиот премиер Борис Џонсон заеднички...

More Articles Like This