Русија отсекогаш се гордеела со своите тенкови. Моќни, издржливи, непретенциозни во својата совршеност, се сметаат за ремек дло на руското инженерство. Но сите тие сјајни карактеристики ваат и за цивилната техника во Русија – одлични квалитетни трактори! Спутник го претстави моделот „кировец“, чедо на тракторскиот завод од Санкт Петербург
Тракторот „Кировец“ не е само најсилниот по бројните перформанси како најдобар трактор во СССР, туку тој стана и доста баран како издржливо и силно индустриско возило. Имено, на основата на моделот К-700 и некои модификации, направено е многу поразлично земјоделско, шумарско и градежно помошно возило. „Кировец“ отсекогаш бил необично баран.
„Тој трактор не е само необично прилагодлив на различни географски и временски услови по целиот СССР, туку остави своја трага на полињата во САД, Канада, Австралија и Европа. Па дури и во Куба.“ – вели директорот на заводот Сергеј Серебрјаков.
Денес постојат модификации од овој трактор, прилагодени за работа на нафтени полиња и електро-енергетски комплекси за чистење снег, и воопшто во секоја сфера каде се неопходни сигурност и сила.
Современиот „кировец К-744Р“ е принципиелно нова машина, која постепено го заменува прочуениот к-700 во Руската индустрија, но и надвор од границите на земјата.