Бројот на жртви на невидени поплави во Германија и Белгија надмина 125, а потрагата по исчезнатите е во тек во Холандија, Швајцарија и Луксембург.
Германскиот претседател Франк-Валтер Штајнмаер изјави дека е зачуден од уништувањето предизвикано од поплавите и апелираше за помош на семејствата на жртвите и градовите кои претрпеа уништување.
„Во отсуство на време, нашата земја е обединета. Важно е да покажеме солидарност со оние што беа однесени од поплавите “, рече претседателот на Германија.
Властите во германската покраина Рајнска област-Пфалц потврдија дека животот го загубиле 63 лица, додека 43 починале во соседна Северна Рајна-Вестфалија.
Се стравува дека бројот на жртвите ќе биде уште поголем, а во областа Арвилер во провинцијата Рајнска област-Пфалц, 1.300 лица се водат како исчезнати.
Се верува дека контактот со нив не бил воспоставен поради прекинување на телефонската мрежа.
Германскиот министер за внатрешни работи Хорст Зехофер посочи дека Германија мора да биде многу подобро подготвена во иднина, оценувајќи дека поплавите се резултат на климатските промени, пренесе Танјуг.
Een onwerkelijk beeld van #Limburg van Boven. De impact van de #wateroverlast is enorm.
Kijk voor de laatste updates over de #wateroverlast naar L1mburg Centraal op #L1 #watersnood pic.twitter.com/FzMCmkvCiA
— L1 (@L1) July 16, 2021
Драматично е и во Холандија. Илјадници луѓе ги напуштија своите домови на југот на земјата, откако водата се проби на насипите.
Bizar en triest hier in Venlo. Thuis alles droog gelukkig. pic.twitter.com/Vp730KCLIM
— MoniqueMartine (@MoniqueMartineJ) July 16, 2021
Холандскиот премиер Марк Руте прогласи национална катастрофа во провинцијата Лимбург, која се наоѓа помеѓу поплавените подрачја во Германија и Белгија.