Порталот „Фокус“ објави дека успеале да стапат во контакт со владиката Петар, кој попладнево беше уапсен на скопскиот аеродром, кој потврдил дека го задржала финансиската полиција
Според „Фокус“, владиката потврдил дека бил задржан на скопскиот аеродром од финансиската полиција, но додал дека тоа било по грешка, а кога луѓето сфатиле кого привеле му се извиниле и го пуштиле.
„Ме задржаа на аеродром, но беше направена грешка. Кога луѓето сфатија што направиле, ми се извинија и јас сега патувам за Австралија – додаде владиката.