70-годишен дедо со нож нападнал мигранти во Германија, како што информираат медиумите, поради незадоволство со мигрантската политика на земјата. Напаѓачот, сепак, бил ослободен од полицијата, од каде што велат дека нема основа да го задржат
Дедото нападнал тројца мигранти од Ирак, Авганистан и Сирија пред црква во градот Хеилброн на западот на Германија, информира локалната полиција. Сите тројца мигранти се повредени, а 25-годишниот Ирачанец бил префрлен во болница поради сериозноста на повредите. Напаѓачот бил совладан од случаен минувач, кој го задржал додека пристигнала поицијата.
Инцидетот се третира како „насилство“, но медиумите информираат дека обвинението би можело да биде преиначено во „обид за убиство“.
Осомничениот за време на испрашувањето рекол дека сакал „да испрати сигнал против актуелната мигрантска политика во земјата“, како и до безбедносните служби.