Улицата Волгоградска во Карпош веќе неколку месеци личи на вистинска депонија. Контејнерите се преполни, а ѓубре има и околу контејнерите бидејќи нема кој да ги испразни истите. Стефан Богоевски градоначалникот на Карпош има доволно време за да се појави на сите можни телевизиски настапи, интервјуа и дебатни емисии, но не и доволно време да се справи со реалните проблеми на граѓаните.
Граѓаните се гневни и секојдневно до нашата редакција испраќаат фотографии од лице место и проблемите со кои се соочуваат во општината. Да се потсетиме дека само пред неколку недели во едно од основните училишта во Карпош се случи вистински хаос кога се појави епидемија на шуга. Со ваква лоша состојба во општината на поле на хигиената не е ни чудо што се појавуваат болести во Карпош.
