Со многу паузи, тензично, по 10 часа заврши јавната расправа во Апелација за “Тенк”
Заврши 10 часовната прва јавна седница во Апелација по жалбата на пресудата за Никола Груевски и Ѓоко Поповски за “Тенк”.
Откако беа одбиени сите барања на одбраната за изземање на советот и в.д претседателот Димчевска, претседателот на советот Периќ ја повика судијата известител Тања Милева да започне со читање на пресудата од 200 страници.
На седницата не беше комплетна одбраната на Груевски која пак, сеуште е во кривичен, на маратонското рочиште кое исто така трае веќе 10 часа, за настаните од Собранието на 27 април.
Следната седница е закажана за 5 септември.