Светскиот Македонски Конгрес (СМК) изјавата на грчкиот премиер Алексис Ципрас, на вториот состанок на Високиот совет за соработка меѓу Бугарија, Грција, Романија и Србија во Белград, за взаемно прифатливо име со соседите, како гаранција за развојот и безбедноста на Македонија ја смета за грубо мешање во внатрешните работи и флагрантно кршење на меѓународното право!
СМК го отфрла грчкото обвинување за македонски иредентизам кон окупираните македонски територии под Грција од Балканските војни 1912-1913 година!
Имотните, наследните и граѓанските права на насилно прогонетите Македонци од Егејскиот дел на Македонија во Првата Балканска војна (1912), Втората Балканска војна (1913), Првата Светска Војна (1914-1918), Втората Светска Војна (1939-1945) и Граѓанската Војна во Грција (1946-1949) не претставуваат иредентизам!
Грција должи извинување и репарации за окупацијата врз Македонија и геноцидот врз Македонскиот народ!
СМК, и покрај се’ и после се’, предлага македонско-грчко помирување и договор за траен мир и добрососедство меѓу Македонија и Грција што ќе ја замени македонско-грчката Привремена согласност од 13 септември 1995 година!
Се разбира, Македонците, макар и еднострано, сметаат дека културата и историјата на Македонија не се ексклузивно право, туку дел од културно-историскиот идентитет на сите балкански демоси како современи политички нации во чијашто основа е македонскиот етнос, независно од разликите во читањето на историјата од аспект на актуелната геополитика, дури и независно од разликите меѓу современите литературни јазици како производ на современите политички нации.