Намалени цените на станбениот квадрат во Скопје, во просек за 50 евра. Сепак, тие растат во Ѓорче Петров, но и во Битола, забележува Агенцијата за катастар за недвижнини. Според агенцијата, 100 илјади станови во земјава се под хипотека, но, тоа е под нивото на пазарите во регионот.
Според првиот човек на Катастар, Славче Трпески, понудата на станови на пазарот на недвижности ја надминува побарувачката на новоизградени станови. Бројот на трансакции за продажба и закуп расте, а цената на становите е стабилна и таа се движи во рамки на маргините од плус минус 3.000 денари. Нема понуда на огромен број станови што би довело до драстичен пад на цената на квадратот.
Податоците на Агенцијата за катастар на недвижнини покажуваат дека во моментов има во некои општини благ пад на цените на становите, но во други има благ пораст на цените.
