НЕУСПЕШНА СРЕДБА: Само што влегоа кај претседателот Иванов, Заев и Димитров излегоа

Само неколку минути траела средбата меѓу претседателот Ѓорге Иванов и премиерот Зоран Заев и министерот за надворешни работи Никола Димитров, дознаваме од извори на кабинетот на шефот на државата. На средбата Заев и Димитров требаше да го информираат Иванов за постигнатиот договор за спорот што Грција го има со уставното име на Македонија.

Вчера Заев објави дека е постигната согласност за ново име за севкупна употреба – Република Северна Македонија за севкупна употреба со уставни измени. Иванов е против промена ерга омнес и против промена на Уставот на Република Македонија.