Две лица се лишени од слобода, додека 4 полицајци поминале со лесни повреди по денешниот протест на роднините на починатите лица во пожарот кој изби во модуларната ковид-болница во Тетово, информираат од МВР за „Локално“.
Оттаму додаваат дека се превземаат дополнителни мерки за расчистување на случајот.
Роднините на трагично загинатите во модуларната ковид болница денеска одржаа протест, притоа барајќи правда за нивните сакани.Револтираните граѓани се упатија кон седиштето на општина Тетово, каде што одржаа говор, а потоа со јајца гаѓаа кон зградат на општината.
Во пожарот во модуларната болница, кој избувна вечерта на 8 септември, животот го загубија 14 лица, а 12 беа повредени.