Фудбалерите на Рокдејл Илинден им го честитаа Денот на востанието на македонскиот народ на своите сонародници во Австралија со шампионската титула во Премиерлигата на Нов Јужен Велс.
Во драматичен финиш на сезоната, клубот на Македонците до својот прв пехар во 51-годишната историја во второто по ранг натпреварување на континентот стигнаа благодарејќи на еден гол!
Во последното коло „илинденци“ дома го совладаа Норт Шор маринерс со 2:1 и завршија со 24 бода, колку што освои и Волонгонг вулфс, но Рокдејл е првак поради подобрата гол-разлика (20:9 наспроти 24:14)!
Да биде драмата, а со тоа и славењето на навивачите поголемо „црвено-црните“ победија со пресврт, откако Амаури Готје израмни во 61. минута, само една минута по водството на гостите, за миленикот на навивачите Алек Урошевски да стави точка во 76. минута.
