Граѓаните на Швајцарија денеска на рефередум изгласаа Ковид сертификатите кои им се потребни за влез на настани и во ресторани да останат.
62 отсто од оние кои гласаа се изјаснија сертификатите да продолжат да се бараат, додека 38 отсто гласаа тие да се укинат.
На прес-конференција во Берн, министерот за внатрешни работи Ален Берсет рече дека резултатот ќе и овозможи на владата „да продолжи со напорите за пандемијата“ – особено нејзината поддршка за поединци и бизниси на кои тоа им е потребно.
Тој се осврна и на „гадната“ перспектива што ја покрена новата варијанта на омикрон и актуелната напната здравствена состојба во Швајцарија.
Во петокот, во земјата беа пријавени 8.032 нови случаи на Ковид-19, 50% повеќе од нивото на почетокот на минатата недела. Бројките моментално се удвојуваат на секои две недели.