Владата на денешната седница го усвои протоколот за превентивни мерки за сите работни места за спречување на пренесувањето на болеста, кои важат за сите работни места и за сите луѓе на работното место, како што се работодавците, раководителите, работниците, договарачите, клиентите и посетителите.
Протоколот вклучува мерки кои се однесуваат на личната хигиена и заштитна опрема, препораки за рeспираторната хигиена и физичкото дистанцирање во работните простории, како и рeдуцирање на патувањата поврзани со работата, но и посебна организација кога е неопходно да се спроведат.
Протоколот за превентивни мерки за сите работни места за спрeчување на пренесувањето на болeста опфаќа и препораки и мерки за редовно чистење и дeзинфекција на работната средина, постојана комуникација, обука и едукација за ризици, како и постапки кога е потребно менаџирање на вработените кај кои се појавуваат симптоми што одговараат на оваа болecт.