Припадниците на косовската полиција за економски криминал и царина затворија неколку продавници во северниот дел на Косовска Митровица и околните области, предизвикувајќи реакција кај жителите на тој град, кои со камиони и возила блокираа одредени градски улици и крстосници.
Според последните информации, Србин бил застрелан во Звечани, и во моментов се наоѓа во тешка состојба.
“Повредата беше нанесена од огнено оружје, тој беше застрелан во пределот на градите. Неговото рамо и реброто се повредени, ние се подготвуваме за операционата сала за да го отстраниме куршумот. Тој е на интензивна нега и е во сериозна состојба”, вели хирургдиректор на КБЦ Косовска Митровица.
За време на немирите, приватните автомобили што биле паркирани биле запалени и уништени. Голем број граѓани се собрале и во техничкото училиште, каде наводно во нередите биле повредени неколку граѓани, а набрзо пристигнала и брза помош, според очевидци.
Косовската полиција издаде соопштение во кое се наведува дека „започнаа полициски операции во раните утрински часови со цел да се реализираат стратешките цели во спречувањето на криминалните дејствија, особено во борбата против криумчарење стока“.
Според соопштението, „акцијата се спроведува во регионот на Приштина, Пеќ, Јужна и Северна Митровица“.
“Сите полициски дејствија се спроведуваат во координација со надлежните обвинителства и судови и се однесуваат на проверки и претреси на различни локации како што се куќи, станбени, деловни простории, магацини. Како резултат на интензивни дејствија и професионални дејствија на косовската полиција, разновидна стока сега e запленетa како доказ “, се вели во соопштението.