Во вечерашната емисија „Жешко политичко лето“, гостуваше претседателот на ГРОМ Стечко Јакимовски кој истакна дека Карпошани заслужуваат европска кампања.
„Карпошани заслужуваат европска кампања каква што беше мината година. Очекувам и оваа за локалните избори да биде европска кампања, да излеземе со квалитетна понуда за граѓаните на општина Карпош, и да одлучат врз основа на тоа кој што нуди и кој има реална можност она што го нуди да се оствари. Ако минатите избори, практично граѓаните подлегнаа на пропагандата и практично сите овие четири години бевме заробеници на пропагандата… како граѓаните, така и медиумите, така дури и институциите и правосудните органи бевме заробеници на пропаганда“. – напомена Јакимовски.
„Мислам дека сега во една мирна атмосфера треба да размислиме што е најдобро за граѓаните на секоја општина, не само Карпош. Затоа сметам дека она што граѓаните имаат да одлучат на овие избори и што ќе одлучат, тоа ќе им биде за наредни четири години. – дополни Јакимовски.
Видеото може да го погледнете ТУКА.