ВМРО-ДПМНЕ во петок ќе го избере новиот Извршен комитет на партијата. Според неофицијалните информации кои ги објавија дел од медиумите, партијата во петок ќе го свика Централниот комитет кој треба да одлучи кој ќе членува во извршното тело на партијата.
Според неофицијалните информации во новиот ИК на ВМРО-ДПМНЕ се очекува да влезат многу нови лица а дел од постарите кадри да се повлечат.
– Не треба да биде изненадување доколку дел од луѓето кои со години беа во раководните структури на партијата да не добијат место во новиот Извршен комитет кој ВМРО-ДПМНЕ го дополнуваше пред последните избори. Покрај кадровските измени, ВМРО-ДПМНЕ најавува и статутарни промени кои треба да го направат партискиот Статут во согласност со оние на партиите од ЕПП, каде што членува и ВМРО-ДПМНЕ. Лидерот Мицкоски вчера рече дека планира да ја модернизира партијата и да ја зголеми нејзината функционалност.
Ќе се менува и структурата на партиското раководство. Според неофицијални информации Партијата ќе назначи повеќе потпретседатели.