Врнежите од преку ноќта ќе продолжат и на места ќе бидат обилни (над 25 л/м2). На планините врнежите ќе се од снег. Температурите преку денот нема многу да се покачат и ќе се за 8 до 10 степени пониски од вчерашните. Во текот на денот врнежите ќе преминуваат од дожд во снег и во некои пониски места и ќе се формира тенка снежна покривка. Само на југоистокот врнежите ќе се само од дожд, посочуваат од УХМР
Според апликацијата „Акуветер“ ваквото време ќе се задржи во текот на целиот ден, а максималната температура ќе достигне до 3 степени над нулата. Снегот ќе продолжи да врне до претпладневните часови, а потоа се очекува да премине во врнежи од дожд.
