Поранешниот фудбалер на Манчестер сити и екс-репрезентативец на Бразил, Данило за англиските медиуми откри каков е Пеп Гвардиола, актуелниот менаџер на англискиот шампион посочувајќи дека Шпанецот е исклучиво фокусиран на фудбалот по цел ден.
Данило даде интересна изјава дека дури и кога Гвардиола нема фудбалски активности и има слободно време, тој постојано мисли на фудбалот, па дури и сопругата ја третира како фудбалер и „ја позиционира на каучот како тој да е фудбалски терен“.
„Пеп на фудбал мисли цело време, ама буквално – цело време! Тој е човек кој ќе ви го смени погледот на сѐ во фудбалот и јас имав среќа што соработував со него. Ми го смени начинот на тоа како да гледам на работите. И треба да ви е јасно дека со него е многу тешко да имате добар однос зашто никогаш не е опуштен. Постојано само на фудбал мисли. Мислам дека и дома сопругата ја позиционира на кревет или на кауч, третирајќи ја како играч на фудбалскиот терен“, вели Данило.
Данило одигра само 23 меча за две години, најмногу и поради зачестените повреди откако дојде на барање на Гвардиола од Реал Мадрид.