Генерал Мајорот Димче Петровски е еден од кандидатите кои собираат потписи за поддршка на кандидатурата за претседател во подрачните единици на ДИК.
Досега, генерал мајорот собрал околу 450 потписи благодарение на недоволната медиумска покриеност и нефер известувањето за можните кандидати за претседател на државата.
Генерал мајорот Петровски, има богата војничка кариера, а последна војничка задача му била Директор на Генералштабот на Армијата на Република Македонија.
Потписи за кандидатурата на Петровски може да се собираат до 9.мај.
Кратка биографија на генерал-мајорот Димче Петровски
Дата и место на раѓање: 15.10.1961 год. во Велес, Република Македонија
Воено образование:
- Воена академија – копнена војска, Белград и Карловац 1980-1984 година;
- Командно – штабна школа (ПСКШД) – ВА „Михајло Апостолски“, Скопје, 1995 – 1996 година;
- Школа за национална безбедност и одбрана на ВА „ГС Раковски“, Софија, Р. Бугарија, 2005 – 2006 година, со што се стекнал со академска титула „Mагистер по безбедност и одбрана“, со одбрана на магистерски труд на тема „ Можности за развој на системот за командување и контрола на националната држава за учество во сојузни многунационални операции“;
- Постдипломски студии на Институтот за безбедност, одбрана и мир, при Филозофскиот факултет во Скопје, со одбранет магистерски труд на тема „ Концептуален развој и организациона трансформација на АРМ во функција на интегрирање во НАТО“, со што се стекнал со академска титула „магистер по одбрана“, во 2008 година.
- На 01.06.2011 година ја одбрани докторската дисертација на тема „ Меѓународни воени операции и учество на АРМ во нив“, со што се стекна со титула доктор на одбрана.
Воена кариера – должности:
- Командир на вод;
- Командир на чета;
- Началник на инженерија во гардиска бригада;
- Командант на инженериски батаљон;
- Началник на штаб во инженериски полк;
- Заменик командант на гардиска бригада;
- Командант на 7 моторизирана бригада;
- Командант на инженериски полк;
- Началник на одделение за планирање во ГШ на АРМ;
- Началник на канцеларија за односи со јавноста, воедно портпарол на АРМ;
- Командант на Командата за Обука;
- Командант на 2 механизирана пешадиска бригада;
- Командант на 1 механизирана пешадиска бригада.
- Директор на Генералштабот на АРМ
Унапредувања:
- Потпоручник (1984)
- Поручник (1985)
- Капетан (1988)
- Капетан 1 класа (1992)
- Мајор (1996)
- Потполковник (2000)
- Полковник (2004)
- Бригаден генерал (2007)
- Генерал мајор (2013)
Одликувања:
- САД: Официјален медал од Националната гарда на Вермонт “The Vermont National Guard Commendation Medal”
- Златна значка на АРМ од Началникот на ГШ на АРМ
- Сребрена значка за долгогодишна служба во АРМ од Министерот за одбрана на РМ
Курсеви:
- Курс за употреба на инженерските единици, ЕНТЕК, Регионален центар на НАТО, Минхен, Р. Германија, декември 1996 година;
- Курс за односи со јавноста, Берн, Р. Швајцарија, ноември 2004 година;
- Интензивен курс по англиски јазик, јануари- септември 2005 година;
- Курс за планирање на експедициски операции на НАТО, април 2008 година.
Издадени книги:
- АРМ кон НАТО, коавторство со Проф. Др. Зоран Нацев, издадена од Филозофскиот факултет – Скопје;
- Општо за лидерството и карактеристики на военото лидерство, издадено од издавачка куќа „ Европа 92“ – Кочани.
Изработени трудови:
- Некои проблеми на планирањето на оперативно ниво, Воена Академија „ГС Раковски“, Софија, Р. Бугарија;
- Насоки и приоритети за развој на воената моќ на државата, Воена Академија „ГС Раковски“, Софија, Р. Бугарија;
- Фактори на вооружената борба, Воена Академија „ Генерал Михаило Апостолски“ – Скопје;
- Методологија за разработување на визија за Развој на вооружените сили, Воена Академија „ГС Раковски“, Софија, Р. Бугарија;
- Лидерство, Современа Македонска Одбрана;
-
Странски јазик:
Англиски V степен
Брачна состојба:
Оженет, татко на две деца и дедо на две внуки
Хоби:
Лов и риболов