Град Скопје ќе го организира пречекот на ракометарите на Вардар од Келн. Засега уште не е познато точното време кога ќе слетаат во Скопје новите европски клупски ракометни прваци, а во Град Скопје моментно се договараат деталите околу пречекот на аеродром и на плоштадот „Македонија“.
Кога пред две години Вардар првпат ја освои европската титула, Град Скопје исто така беше организатор на настанот на кој присустуваа илјадници граѓани на Македонија.