Во земји со развиена парламентарна демократија, кон која што и не тежнееме, по тие принципи институциите на политичкиот систем да функционираат, не е непознато да имате победници со многу мал процент на гласови од вкупно излезените гласачи. Бевме сведоци на оние стории во Италија, па и во САД и во Германија, каде што со многу мал процент на разлика победникот е победник, а губитникот пружа рака на победникот, изјави во гостувањето на ТВ Нова универзитетскиот професор Александар Климовски.
-Она што еден губитник, како што е СДСМ на овие избори, треба да стори е да пристапи кон самокритика, кон реформирање внатрешно партиски, кон држење на зборот, а тоа значи дека Зоран Заев, како лидер на таа политичка партија којашто ги изгуби овие избори, треба да си остане на зборот барем еднаш во животот и пред органите и телата на партијата да ја понуди својата оставка, рече Климовски.
