Претседателот на ВМРО-ДПМНЕ, во интервју за „Скопје инфо“ објасни дека ќе понуди кадровски промени во партијата на 17 конгрес на партијата
– Ќе понудам кадровски и концептуални промени. Промени кои јас ги дефинирам како засилување, но и нова фаза во делувањето што ќе подразбира и отворање кон пошироката јавност и мобилизација на интелектуалните и општествени капацитети кои ќе ги ставиме во функција на напредокот и изградбата на земјата. Да се обединиме околу важните прашања бидејќи и проблемите кои ги тиштат граѓаните се исти“, истакна Мицкоски.
„Тогаш потребно е да ја земеме палката и покажеме како треба. ВМРО-ДПМНЕ направи во изминатиот 4 годишен период големи промени и застана на нозе, сега е време да почнеме да чекориме со големи чекори напред затоа што времето неодминливо тече, а народот оправдано бара резултати“, додаде претседателот на партијата.