Се надевам дека ова не е вистина! Се надевам со последните атоми надеж дека во СДСМ има домаќини и семејни луѓе, домољупци, патриоти, верници (и христијани и муслимани)! Не ме разочарувајте, многумина од вас познавам лично, пишува на својот ФБ профил Отец Ивица Тодоров.
Во статусот понатаму стои: Се надевам и го очекувам вашиот глас, став и отпор против новиот тип на окупација на нашата Македонија! Браќа и сестри од СДСМ реагирајте и приклучете се на фронтот на домаќините и домаќинките, на домољупците, на семејните луѓе кои сериозно се загрижени за тоа во какво општество ќе живеат нивите деца, внуци, правнуци!
Ваквиот статус на отецот доаѓа откако министерката за образование Рената Дескоска се одлучи да го повлече учебникот за четврто одделение по предметот општество, каде децата треба да донесат фотографија од свадбата на нивните родители и да одговорат дали се венчани во црква, откако народниот правобранител утврди дека постои дискриминација врз основа на брачен и семеен статус и религија во областа на образованието.