Директорот на Канцеларијата за Косово Марко Ѓуриќ во сабота ќе присуствува на полноќната Велигденска литургија во манастирот Бањска на Косово, 12 дена по апсењето во Митровица
Дека Ѓуриќ ќе претстојува на Косово во манастирот Бањска соопштила Канцеларијата за Косово, а веста е потврдена и во Приштина со соопштение на косовското министерство за надворешни работи и изјава на советникот на министерот Јетлир Зиберај.
Посетата на Ѓуриќ доаѓа по неполни две недели од неговото апсење на 26. март во Косовска Митровица, по што се кренаа тензиите на линија Белград – Приштина.
Косовските власти тврдеа дека на Ѓуриќ му бил забранет влезот на косово, додека од Белград беше порачано дека во договорот од Брисел нема потреба за дозвола, туку директорот на Канцеларијата за Косово само треба да ја најави посетата.