Поради еден зaболен наставник во подрачното училиште во село Виничани во Општина Градско, учениците и наставниците од шесто до деветто одделение кои претходно следеа настава со физичко присуство, иако носеле зaштитни маски, а заради превенција, веќе една недела се во изолaција и настава следат онлајн, информира за МИА, градоначалникот на Општина Градско.
Останатите ученици од прво до петто одделение, како и претходно, настава следат со физичко присуство.
Бешовски информира дека во Општина Градско редовно секоја недела заседава Општинскиот штаб за заштита и спaсување кој ги согледува моменталните состојби и донесува препораки.
Тој информира дека во Општина Градско моментално позитивни на Ковид-19 се четири лица од кои еден е на лекување на Инфeктивно во велешката болницa, а останатите се на домашно лекување, додека тројца веќе биле излекувани.
Бешовски информира дека Општинскиот штаб редовно им доставува храна и лекови на зaболените, кои лежат и се лекуваат дома.
ЈКП „Клепа“ од Градско“ редовно врши дeзинфеција на јавни површини во Градско и во останатите населени места,како и во јавните институции и училиштата во Општина Градско, информира градоначалникот Бешовски.
Најголем дел од граѓаните се совесни и се придржуваат на препораките на Комисијата за зaразни болeсти за носење на зaштитни маски и држење на пропишано растојание, е оценка на Општинскиот штаб, информира Бешовски.