Седумината борци на „Исламска држава“ кои во вотрникот беа депортирани во Република Македонија и ставени под апс, биле ученицина имамот Реџеп Мемиши од Тутунсуз џамијата во скопски Чаир, пренесува МКД.мк
Мемиши беше осуден на 7 години затвор за учество и организирање на паравоени групи и врбување на борци на ИСИС.
Седумината терористи, од Скопје, Прилеп, Тетово и Гостивар, на возраст од 23 до 41 одина, биле фатени во Сирија во рамките на акцијата на меѓународната коалиција за борба со тероризмот и со логистичка поткрепа на САД беа донесени во Скопје со воен авион. Според извори од Македонската полиција терористите биле среќни што се враќаат во Македонија и покрај тоа што доаѓаат со лисици на рацете, бидејќи поголемиот дел од групата биле убиени на боиштата.
Во Тутунсуз џамијата во Скопје со години проповеда имамот Реџеп Мемиши, кој не се наоѓа во официјалните списоци на свештеници на ИВЗ. Мемиши изјави дека на своите служења ги промовирал идеите на џихадот и мачениците кои загинале во џихад.
Пред четири години поглаварот на ИВЗ Сулеј Реџепи ја повика македонската полиција да превземе мерки против Мемиши. Од МКД.мк додаваат дека случајно или не, во последните неколку години протестите во Скопје, оние организирани од Албанците почнуваат токму од оваа џамија.