Избраниот претседател на САД Доналд Трамп во интервју за весникот „Волстрит џурнал“ соопштил дека не планира веднаш да ги укине санкциите кон Русија, но не ја исклучува можноста дека тоа ќе се случи во иднина
Како што соопштува весникот, политичарот во текот на едноночасовното интервју изјавил дека ограничувачките мерки ќе останат на сила „барем некое време“. Тој наведува и дека: „ако воспоставиме добри односи, Русија ќе ни биде од помош, зошто на некого да ставаме санкции, ако тој некој прави добри дела?“
Во текот на изборната кампања и по победата Трамп во повеќе наврати изјавуваше дека има намера да соработува со Русија. Претседателот на САД Барак Обама вчеравечер ги продолжи санкциите кон Русија на уште една година поради „ситуацијата во Украина“.