Директорот на Канцеларијата за Косово и Метохија, Петар Петковиќ, денеска на Твитер објави дека повеќе од 135 цркви и манастири на Српската православна црква во Косово и Метохија се уништени од 1999 година.
Петковиќ изјави дека Србија обнови повеќе од 45 храмови, но посочи дека многу цркви сѐ уште се во урнатини, затоа што Приштина не дозволува нивно обновување.
„Оние што ги палеа не можат да го зачуваат културното наследство на Србија“, рече Петковиќ и објави фотографии од уништени верски објекти.
Since 1999, more than 135 churches and monasteries of SOC were destroyed in K&M. Serbia has renewed more than 45 temples. Many churches are still in ruins, because Pristina doesn`t allow their reconstruction. Those who were setting them on fire can`t preserve 🇷🇸 cultural heritage https://t.co/LrytE1H4FH pic.twitter.com/r7LBCVVezh
— Петар Петковић (@PetkovicPetar) June 1, 2021
Петковиќ на тој начин реагираше на објавата на министерот за култура, млади и спорт на Приштина, Хајрул Чеку, кој преку Твитер објави дека податоците на косовската полиција покажуваат, како што тврди, дека од 57 инциденти на верски места во текот на 2020 година само осум се случиле во православните цркви и 45 во исламските објекти.
Чеку исто така тврди дека повеќето од овие инциденти вклучуваат кражба и дека ниту еден од 57-те инциденти не бил класифициран како верски мотивиран, објави Танјуг.