Членовите на српската Безбедносно-информативната агенција, во соработка со Обвинителството за високотехнолошки криминал и Министерството за внатрешни работи, вечерва го уапсиле 30 -годишниот М.П. од Параќин, бидејќи му се заканувал на претседателот на Србија, Александар Вучиќ.
Тој е осомничен дека сторил кривично дело Загрозување на безбедноста од член 138 став 3 од Кривичниот законик на Република Србија.
Осомничениот се товари дека преку социјалната мрежа Фејсбук, меѓу другото, во повеќе наврати објавувал и повикувал на убиство со снајпер на претседателот на Република Србија, Александар Вучиќ.
Со брза реакција на припадниците на Безбедносно-информативната агенција и припадниците на МВР, лицето е приведено и ќе биде задржано во притовор во траење од 48 часа по консултација со дежурниот обвинител.