БРЕГЗИТ И ПОНАТАМУ ЈА БУТА ВРЕДНОСТА НА ФУНТАТА: По оставките на неколку министри во Британија пад на вредноста на фунтата и акциите на берзата

- Advertisement -

Вредноста на фунтата утрово на Лондонската берза е намалена за повеќе од 1,0 отсто во однос на доларот и еврото, а цените на акциите се намалуваат по информациите за оставки на британски министри поради нацрт-договорот за Брегзит.

Британската валута на многу волатилното тргување падна за еден процент во однос на доларот, на 1,2839 долари и за 1,3 отсто во однос на еврото, на 88,23 пени.

Сепак, падот на фунтата помогна индексот на Лондонската берза ФТСЕ 100, која главно се однесува на извозниците, да зајакне за 0,3 отсто.

Оставките во британската Влада се одразија и на цените на акциите и деловните сектори во Велика Британија, кои инаку се чувствителни на настаните околу Брегзит.