Кока Кола во празничните денови, како и пред секоја Нова Година не ,,убива“ со реклами, но ,,наградната игра“ која ја организирала во Србија , според тамошните медиуми била чиста измама.
Всушност, наголемо најавената наградна игра во која требало да се собираат 4 бели обични капачиња и една со снегулка и да се даде плишан Дедо Мраз, или мечиња, односно дружината на Дедо Мраз. Наградната игра почнала на 6-ти Декември и трае до 4-ти јануари, но поклоните во продавниците ги немало.
Според најавата , наградите можеле да се земат од 734 објекти во Србија, но нив нигде ги немало.
И сега…. Децата гледаат реклама, бараат играчки, родителите како ,,луди“ купуваат за да пронајдат капаче со снегулка , а од наградата- ништо!
Потрошувачите се изиграни. И тоа најмладите, кои најмногу се радуваат.
