Воин Ражнатовиќ, син на Аркан, во книгата „Приказните за мојот татко“ открива непознати детали за неговиот живот. Посебен дел во книгата Воин посветува на разводот меѓу Жељко и неговата мајка Наталија Мартиновиќ, за што најголем виновник била Цеца.
Аркан ја изневерувал сопругата со Цеца уште додека биле во брак, па кога Наталија дознала, веднаш ги спакувала куферите и заминала во Италија.
– Мајка ми само ми кажа да ги спакуваме куферите. Го зедов вокменот со касетата на Цеца и заминавме – раскажува Воин во книгата.
Кога пристигнале во Италија, Аркан ѝ се јавил на сопругата, а таа му се дерела по телефон. Воин вели дека го чул својот татко како вели на слушалката: „Наталија, ќе ја истерам другата, ти само врати ми се, имаме четири деца заедно“.
Кога Воин ја прашал мајка си која е таа жена, таа му одговорила дека токму онаа што ја слушаат на касета.
