Ромите целосно му го свртеа грбот на Зоран Заев и СДСМ. Најголемата македонска опозициска партија покрај тоа што остана без ниту една партија претставник на Ромите во опозициската коалиција, туку и Роми кои до вчера беа членови на СДСМ се решија да го напуштат Заев и да преминат во ромски партии кои се дел од владејачката коалиција.
-19 лица кои беа членови на СДСМ преминуваат кај нас во Демократската партија на Ромите и ние му даваме поддршка на ВМРО-ДПМНЕ. Членовите се повлекоа поради незадоволството од СДСМ, поради дискриминацијата и неисполнетите ветувања за вработувања. Само ветуваа и на крајот ништо. Сите тие 19 лица преминуваат во Демократската партија на Ромите, изјави Шабановски Садетин, централен координатор на ДПР.
Тој додаде дека Ромите сакаат да си дојдат во матичната паритја и не сакаат да му бидат гласачка машинерија на Заев, бидејќи тој им ветувал се и сешто, но на крајот ништо не исполнил.
Заев и СДСМ останаа без ниту една ромска партија во коалицијата, откако целосно од листите беше изоставен Самка Ибраимоски и беа изиграни очекувањата на членовите на ПЦЕР, од кои поголем дел преминаа во партијата на Шабан Салиу, чија партија е дел од владејачката коалиција „За подобра Македонија“.
