Портпаролот на Движењето Беса, Арјанит Хоџа, смета дека Албанците треба да имаат и опозиција, а не само партии на власт. Тој не ја исклучува можноста лично да лобира за Движењето Беса да премине во опозиција, доколку сите албански партии бидат вклучени во Владата.
„Според одлуката на суверениот, Албанците мора да имаат опозициска опција. Додека јас лично можам да кажам дека ако сите албански партии сакаат да станат дел од Владата, јас би лобирал со целосно убедување во политичкиот субјект каде што делувам, движењето БЕСА, и покрај фактот дека ние сме победник и дека го обезбедивме мандатот на коалицијата „Можеме“, да ја разгледаме можноста со нашите пратеници да преминеме во опозиција и да не дозволиме Албанците да останат без опозиција во земјава“, пишува Хоџа во колумна за весникот Коха.
Движењето БЕСА е дел од предизборната коалиција со СДСМ.
