Бугарија ја тресе изјавата на претседателот на турската партија во Бугарија која е четврта по добиени мандати на предвремените парламентарни избори, Движење за права и слободи на Мустафа Карадај.
Карадај истакна дека татковина на бугарските Турци е Турција со што предизвика лавина негативни коментари од бугарските колеги политичари.
За а Велизар Енчев од Бугарската социјалистичка партија, оваа изјава на Карадај покажува дека неговата партија го избра патот на Албанците на Косово.
-По изјавата на Карадај дека неговата татковина е Турција, а Бугарија е неговата земја, дали Движењето за права и слободи тргна по патот на Албанците во Косово, за кои татковина беше Албанија? Ако Турција е татковина на Карадај, а Бугарија е негова земја, дали судбината на Северен Кипар го чека Крџали (областа на југот на Бугарија, која граничи со Турција и Грција), вели тој.
Мустафа Карадај ја посети Турција минатиот викенд, а оствари средба со претседателот Реџеп Таип Ердоган и претседателот на Собранието Мустафа Шентоп. Токму на оваа средба Карадај нарече Турција својата татковина.
-Таа земја (Бугарија) е наша земја. Ние не сме таму имигранти. Турција е нашата татковина . Останавме во Бугарија по Отоманската империја. Нашата борба е насочена кон заштита на нашиот турски идентитет, заштита на нашиот јазик, религија и обичаи, изјави тој.
Претседателот на Бугарија, Румен Радев, го потсети Карадеј дека бугарските партии не можат да имаат етничка и верска основа и го повика да го преиспита концептот на татковина.
Бугарската партија ВМРО БНД жестоко реагираше на изјавата на Мустафа Карадај и најави протести ма 9 јуни поради истата.
-За нас, како бугарски патриоти, е неприфатливо кога лидерот на регистрирана партија што работи на територијата на Бугарија излезе со изјави кои го доведуваат во прашање нашиот национален идентитет и нашиот територијален интегритет, велат од партијата.
