Опремени со грчки знамиња и симболи на грчка „Македонија“ и мачки од островот кои ќе им прават друштво на протестот, група на островјани од Крит од пристаништето во Ханија со брод тргнаа кон Атина за утрешниот протест на плоштадот Синтагма, каде ќе се протестира против Преспанскиот договор
Демонстрантите кои се противат на договорот од Преспа, носат големи Грчки знамиња, и скандираа „Македонија е една и грчка“, но и слогани против како што велат, предавниците од партијата Независни Грци на Панос Каменос.
Пратениците од Независни Грци слично како и осумината „одметнати“ од Македонија, гласаа „За“ доверба на владата, а најавуваат дека ќе гласаат и за ратификација на договорот.
За утре се најавени и голем број на автобуси полни со демонстранти од сите краишта на Грција да присуствуваат на протестот на Синтагма.