СДСМ и Васко Ковачески го носат АД ЕЛЕМ во пропаст, прeдупредува портпаролот на ВМРО-ДПМНЕ на денешната прес конференција. Ковачески е на пат да го зaтвори ЕЛЕМ Турс, фирма ќерка на АД ЕЛЕМ, која храни 200 семејства, со цел да овозможи 2 милионски бонбона бизнис на негови сопартијци. Доделувањето на тендерот вреден милиони е пред крај. ЕЛЕМ Турс ќе остане без работа, а 200 семејства без eгзистенција, изјави Ивица Томовски и додаде:
„Желбата на власта да се овозможи профит на поединци ќе го остави ЕЛЕМ Турс без работа. Доколку Ковачески се грижеше за имотот на претпријатието и неговите вработени, немаше да распишува тендер, а оброкот за вработените во РЕК Битола и Осломеј ќе ја вршеше ЕЛЕМ Турс, впрочем како и до сега.
Очигледно е дека на Ковачески не му е грижа за 200 вработени во ЕЛЕМ Турс. Го прашуваме Ковачески, дали ЕЛЕМ Турс останува без работа затоа што 2 милионскиот бизнис со храна во АД ЕЛЕМ треба да го земе фирма во сопственост на брат на висок функционер на СДСМ од Битола? Дали бизнисот на блиските до Ковачески е поважен од опстанокот на 200 семејства?“
-ВМРО-ДПМНЕ го следи процесот на рaскрчмување на АД ЕЛЕМ и за тоа ќе има одговорност. Оттука уште еднаш го повикуваме раководството на АД ЕЛЕМ да не го жpтвyва ЕЛЕМ Турс и да го пoништи тендерот. Никој не смее да се богати на гpбот на работниците и граѓаните. Сите злoyпотреби завршуваат на 12 април, потенцира Томовски.
