Следува период на стабилно, сончево и се потопло време со постепен пораст на дневната температура.
Утринската температура ќе се движи од девет до 19, а дневната од 30 до 37 степени. УВ-индексот ќе има вредност 9.
Во Скопјe ќе биде сончево и топло со слаба облачност и со слаб северен ветер. Утринската температура ќе се спушти до 17, а дневната ќе достигне до 35 степени.
Најтопло се очекува да биде кон средината на следната работна седмица, кога дневната темпертура на воздухот ќе достигне до 40 степени. УВ индексот ќе има многу висока вредност 9.
Со зголемувањето на температурите на воздухот се зголемува опасноста за појава на шумски пожари.
Во недела и понеделник попладне во западните делови ќе има услови за ретка појава на краткотраен дожд со грмежи.
