На 16ти февруари во италијанскиот парламент ќе биде предадена петиција со неколку илјади потписи со која ќе се бара од италијанската влада повторно да ја разгледа одлуката за признавање на Косово.
Иницијативата ја покренале Срби во Италија на кои со воодушевување им се приклучиле голем број на италијански интелектуалци меѓу кои и историчарот Стефан Пилото, универзитетскиот професот Леонардо Кјарели, архитектот и писател Алесандро ди Мео, блогерот Федерико Роберти, открива за Новости италијанската писателка Марилина Века која е чест посетител на Косово во последните години.
Се очекува 630те пратеници на долниот дом внимателно да ја разгледаат петицијата и да ги изнесат причините за повлекување на признавањето.
„Би сакала да верувам дека италијанските пратеници ќе ја присилат владата да го повлече признанието, бидејќи тоа е голем срам за образот на Италија.“, изјави Века.
