Грчкиот премиер Алексис Ципра вчера се состана со грчкиот министер за надворешни работи Никос Коѕијас за да разговараат за актуелните проблеми, со фокус на односите со Русија, се соопштува од грчката Влада
Двајцата се сложиле дека Грција секогаш силно ќе одговори кога се работи за нејзиниот национален суверенитет, како и дека Владата ќе продолжи со својата политика на унапредување на односите со Русија на билатерално и мултилатерално ниво, пренесува АНА.
Грчкиот дневник „Катимерини“ на 11. јули цитирајќи дипломатски извори, извести дека Атина одлучила да ги протера двајцата руски дипломати и да забрани влез во државата за уште двајца.
Според пишувањето на весникот, Атина ги обвинила тие дипломати дека се мешаат во прашања од внатрешната политика и дека ја подриваат Националната безбедност на Грција.
