Скок во рејтингот на грчката опозиција за сериозни 8.9 процентни поени е забележан на последната анкета објавена во грчките медиуми. Анкетата е спроведена од рејтинг агенцијата „Марк“ по нарачка на „Прото-тема“
Според анкетата, 66% од Грците се против Договорот од Преспа, додека 67.4% повикуваат на предвремени парламентарни избори, да се одржат во мај оваа година.
Што се однесува до партиските рејтинизи, Нова Демократија води со 32% доверба од граѓаните, што значи апсолутно мнозинство во грчкиот парламент со 158 пратеници. СИРИЗА заостанува со 8.9 проценти зад Нова Демократија со 23.1% рејтинг.
На трето место се Движење за промени и Златна Зора со 6.4% рејтинг. Петта партија е ККЕ со 5.9%.
Најголеми губитници според рејтингот се Независни Грци на Каменос со 1.4%, и партијата на Ставрос Теодоракис со 1.9%. Ова значи дека партијата на досегашниот министер за одбрана нема да добие ниту едно пратеничко место на следните избори.
- Нова Демократија 32%
- СИРИЗА 23.1%
- Движење за промени 6.4%
- Златна Зора 6.4%
- ККЕ 5.9%
- Центристичка Унија 2.2%
- Решение за Грција 2.2%
- ПОТАМИ 1.9%
- Независни Грци 1.4%
- ЛАЕ 1.2%
- АНТАРСА 1%