Рускиот претседател Владимир Путин е спремен на војската на Србија, во случај на агресија врз земјата, во рок од само 24 часа интервентно да испрати неколку моќни ракетни системи С-300 со обучен борбен екипаж
Како што пренесува српски информер, една од ставките на воено-техничкиот договор кој завчера во Крамљ го дефинираа премиерот Вучиќ и претседателот Путин вели дека „интервентната“ помош за Белград би била испратена во случај на непријателска агресија со која ќе биде загрозен територијалниот интегритет и суверенитет на Република Србија.
Лична гаранција
Дипломатски извори за Информер потсетуваат дека Москва слична операција имала и во 2015. во Сирија, непосредно по соборувањето на Рускиот авион од страна на Турција. Тогаш за помалку од 20 часа во Сирија се префрлени ракетните системи С-400.
– Претседателот Путин лично ја одобри испораката на авионите, борбените оклопни возила и тенковите за Србија, а покрај тоа Белград доби гаранција и за воена помош во случај на било каква агресија. Таа гаранција подразбира и испраќање и разместување на ракетен систем С-300, со обучен екипаж на територија на Србија и тоа во рок од највеќе 24 часа. Надлежните во руската армија тврдат дека дури и рокот за испорака и разместување во Србија може да се скрати на неверојатни 10 часа! Ова значи дека тој што би ја нападнал Србија многу брзо би се нашол во сериозен проблем – вели соговорникот на Информер.
Според Мирослав Лазански, сега во потполност е јасно дека Србија во Русија има сигурен пријател и сојузник.
– Испораката на „Миговите 29“, модернизираните тенкови Т-72 и борбените возила БРД-М2 е многу добра вест. Баш како што е сјајна вест и безбедносната гаранција која ја добивме. Многу е важно Србија да остане на патот на воената неутралност, но и на сите да им биде јасно дека не можат лесно и неказнето да не нападнат – нагласува Лазански.
Додека Србија води успешна политика на воена неутралност и ги ползува бенефитите од моќниот Руски воен комплекс, но и милоста на НАТО која не би сакала да велзе во конфликт со Русија на ниту една територија, во Македонија упорно се води еднонасочна и безалтернативна политика за слепо приклучување кон НАТО алијансата која од нас бара промена на името, а водно е и дел од политичката криза во Македонија.
Дотолку повеќе, дури и генералниот секретар на НАТО се закани по одлуката за недоделување на мандат на Иванов, дека ваквата одлука би можела да има сериозни последици.
