Зоран Заев ги пушта низ вода сопствените луѓе, како може народот на државата да му верува дека ќе направи добро за сите граѓани, истакна Никола Тодоров од ВМРО-ДПМНЕ.
-Се сеќавате на изјавата на Заев во 2014 година дека не е на листите на СДСМ затоа што ќе бил премиер, сега го гледаме на листите, со тоа Заев ни призна на сите дека кризата во 2014 година која што ја креираше му била пртходно договорена и знаел дека нема да влезе во парламентот. Како ја договорил и зашто ја договорил треба да претпоставиме и со кого, но очигледно е дека целото ова сценарио му било претходно договорено. Од друга страна тоа многу говори за него, затоа што практично ги пуштил низ вода тогашните пратеници. Тој знаел дека ќе излезат од парламентот и ќе креираат на тој начин политичка криза, а ниту еден друг најверојатно не знаел и сега гледаме дека тие што ја воделе таа битка за него, денеска се исклучени. Таков човек кој што ги пушта низ вода сопствените луѓе како може народот на државата да му верува дека ќе направи добро за сите граѓани во државата, изјави Никола Тодоров.
